ઝડપાયેલા આરોપીઓ પાસેથી ત્રણ મોબાઈલ જપ્ત કરાયા
(વર્તમાન પ્રવાહ ન્યુઝ નેટવર્ક)
સેલવાસ, તા.02: દાદરા નગર હવેલીના વાસોણા ગામે ઘરની અંદર ઘુસી ત્રણ અજાણ્યા વ્યક્તિઓએ ચાકુ બતાવી ઘરના રૂમમાં રહેતા વ્યક્તિઓ પાસેથી મોબાઈલ અને રોકડા પાંચહજાર રૂપિયા લૂંટીને ફરાર થઈ ગયા હતા. આ ઘટના અંગે દિનેશકુમાર રામકનીલમન કોલ રૂમ નંબર 14, વાસોણા જેઓએ પોલીસમાં લૂંટની ફરિયાદ નોંધાવી હતી. જે સંદર્ભે સેલવાસ પોલીસે આઇપીસી 392, 457, 34 મુજબ ગુનો નોંધી વધુ તપાસ હાથ ધરી હતી.
પ્રાપ્ત માહિતી મજુબ રૂમમાં સાથે રહેતા જેઠીયા પગુ જનાથીયા રહેવાસી વાસોણા જેના નિવેદન મુજબ ત્રણ અજાણ્યા વ્યક્તિ વિરુદ્ધ આરોપ લગાવ્યો હતો કે રાતના સમયે અજાણ્યા વ્યક્તિ રૂમમાં ઘુસી ચાકુ બતાવી ત્રણ મોબાઈલ અને રોકડા પાંચ હજાર રૂપિયાની ચોરી કરી હતી. આ કેસની વધુ તપાસ બી.એમ.વસાવાને સોંપવામા આવી હતી. સેલવાસ એસ.એચ.ઓ.ના નેતૃત્વમાં એક ટીમ બનાવી તપાસ દરમ્યાન ત્રણ આરોપી જેમાં (1)પ્રવીણ લાહનુ દોડીયા (ઉ.વ.31) રહેવાસી ડુંગરીપાડા- દપાડા (2)સચિન લાડક ધપસા (ઉ.વ.18) રહેવાસી ફરારપાડા- ધાપસા અને (3)તુળજી છનિયા ધાપસા (ઉ.વ.30) રહેવાસી ડુંગરીપાડા-દપાડા જેઓની પોલીસે ધરપકડ કરી હતી. તેઓ પાસેથી ત્રણ મોબાઈલ પણ જપ્ત કરવામાં આવ્યા છે અને આગળની વધુ તપાસ ચાલી રહી છે.
અત્રે યાદ રહે કે, ત્રણ આરોપીમાંથી એક પ્રવીણ લાહનુ દોડીયા વિરુદ્ધ અગાઉ પણ ચોરી, લૂંટ અને બળાત્કાર સહિતના ચાર અન્ય કેસો સેલવાસ અને દમણમાં નોંધાયેલા છે.