(વર્તમાન પ્રવાહ ન્યુઝ નેટવર્ક)
વલસાડ,તા.13: વલસાડ જિલ્લાના પારડી તાલુકાની બરઈ પ્રાથમિક શાળા ખાતે તા.14 અને 15મી ડિસેમ્બરના રોજ બી.આર.સી. પારડી દ્વારા આયોજિત તાલુકા (બી.આર.સી) કક્ષાનું વિજ્ઞાન, ગણિત અને પર્યાવરણ પ્રદર્શન – 2022 યોજાશે. આ પ્રદર્શનનો મુખ્ય વિષય ટેક્નોલોજી અને રમકડાં રાખવામાં આવ્યો છે. પ્રદર્શનનો ઉદ્ઘાટન સમારોહ જિલ્લા પંચાયતના સભ્ય શ્રીમતી મિત્તલબેન જે. પટેલના હસ્તે તા. 14મી ડિસેમ્બરના રોજ સવારે 11.30 વાગ્યે કરવામાં આવશે. આ પ્રદર્શન દ્વારા બાળકો અને શિક્ષકોના નાવિન્યપૂર્ણ અને રચનાત્મક વૈજ્ઞાનિક પ્રયાસોને પ્રોત્સાહન મળશે. પ્રદર્શનનું સમાપન તા.15મી ડિસેમ્બરના રોજ બપોરે 3.00 વાગ્યે થશે.