એલ.સી.બી.એ રૂા.3.68 લાખનો મુદ્દામાલ સાથે પાંચ આરોપીની ધરપકડ કરી
(વર્તમાન પ્રવાહ વાપી બ્યુરો)
વાપી, તા.05: એલ.સી.બી.એ વાપી કોળીવાડમાં આવેલ ભંગારના ગોડાઉનમાંથી વલવાડા બી.એસ.એન.એલ. ટેલિફોન એક્ષચેન્જ ટાવરની નાની મોટી બેટરીઓ સાથે રૂા.3.68 લાખનો મુદ્દામાલ જપ્ત કરી પાંચઆરોપીઓની ધરપકડ કરી હતી.
એલ.સી.બી. પી.આઈ. બારડના માર્ગદર્શન હેટળ એલ.સી.બી. ટીમે ગતરોજ વાપી કોળીવાડ ઈન્ડિયન બેંકની પાછળ આવેલ યાદવ માર્કેટમાં કાર્યરત આરિફ નામના ઈસમના ગોડાઉનમાં રેડ કરી હતી. કાર્યવાહીમાં નાની મોટી બેટરી નં.48 કિં.48000, 4 મોબાઈ રૂા.20 હજાર અને રૂા.3 લાખની કાર મળી રૂા.3.68 લાખનો મુદ્દામાલ જપ્ત કરાયો હતો. એલ.સી.બી.એ આરોપી મોહંમદ શુભરાતી, રહે.વાપી કોળીવાડ, વિકાસ ગોવિંદ પ્રસાદ વર્મા રહે.ભડકમોરા, રોશન ફકીરરામ રહે.ચણોદ કોલોની, મોહમદ નસીબ બદરૂદ્દીન ખાન રહે.છીરી નામના પાંચ આરોપીની ધરપકડ કરી હતી. આ પૈકી મોહમદ નસીબ વર્ષ 2012માં ચોરીના કેસમાં જીઆઈડીસીમાં ઝડપાયેલો હતો.
