(વર્તમાન પ્રવાહ ન્યુઝ નેટવર્ક)
વલસાડ, તા.06: વલસાડના જાયન્ટ્સ ગ્રુપ દ્વારા હોળીનો તહેવાર વલસાડના જલારામ મનોવિકાસ કેન્દ્રના સ્પેશ્યલ બાળકો સાથે ઉજવવામાં આવ્યો હતો.કુદરતી રંગો સાથે આ હોળી છેલ્લા છ વર્ષથી આચાર્યા આશાબેન સોલંકી તથા સમગ્ર સ્ટાફ પરિવારના સહકારથી બાળકો સાથે ઉજવવામાં આવી રહી છે. જાયન્ટસ ગ્રુપના પ્રમુખ આશા ગોહિલ, અર્ચના ચૌહાણ, હાર્દિક જી. પટેલ તથા સમગ્ર ગ્રુપના સાથ સહકારથી રંગેચંગે હોળીનો તહેવાર બાળકો સાથે રંગાઈને સંગીતના તાલે નળત્ય તથા રમતો રમી ઉજવવામાં આવ્યો હતો.
