(વર્તમાન પ્રવાહ ન્યુઝ નેટવર્ક)
સેલવાસ,તા.06 : દાદરા નગર હવેલી અને દમણ દીવ વનવિભાગ દ્વારા 02ઓક્ટોબરથી “વન્યજીવ સપ્તાહ”નું આયોજન કરવામાં આવેલ છે જેમાં વિદ્યાર્થીઓ માટે વિવિધ સ્પર્ધાઓનું આયોજન કરવામાં આવ્યું હતું, જે સંદર્ભે કલા કેન્દ્ર સેલવાસ ખાતે ધોરણ 6થી 9ના સરકારી અને ખાનગી શાળાના વિદ્યાર્થીઓ માટે વક્તૃત્વ સ્પર્ધાનું આયોજન કરવામાં આવ્યું હતું. કાર્યક્રમનો શુભારંભ ઉપસ્થિત વનવિભાગના અધિકારી અને શાળાના આચાર્યશ્રીના હસ્તે દીપ પ્રાગટ્ય કરી કરવામાં આવ્યો હતો. સ્પર્ધામાં વિજેતા વિદ્યાર્થીઓને “વન્યજીવ સપ્તાહ”ના અંતિમ દિવસે પ્રોત્સાહિત ઈનામ આપવામાં આવશે. આ અવસરે વન વિભાગના અધિકારીઓ કર્મચારીઓ શાળાના આચાર્ય સહિત વિદ્યાર્થીઓ ઉપસ્થિત રહ્યા હતા.