(વર્તમાન પ્રવાહ ન્યુઝ નેટવર્ક)
સેલવાસ, તા.09: દાદરા નગર હવેલીના નરોલી ગામનાયુવાને દમણગંગા નદીમા ઝંપલાવી દેતા ચકચાર મચી જવા પામી છે. ફાયર વિભાગની ટીમ યુવાનને શોધવાની તજવીજ હાથ ધરી છે.
પ્રાપ્ત વિગત અનુસાર નરોલી ગામે રહેતા અને જિલ્લા પંચાયતમાં ફરજ બજાવતા ધર્મિનસિંહ ગંભીરસિંહ સોલંકી (ઉ.વ.42) જે ગંભીર બીમારીથી પીડાતા હતા. જેઓ બપોરે ઘરેથી સલૂનમાં જઈને આવું એમ કહીને એમની કાર નંબર ડીએન-09-જે-0864 લઈને નીકળ્યા હતા. એમની પત્ની પણ એમની પાછળ આવી હતી. પરંતુ ધર્મિનભાઈ સલૂનમાં જવાને બદલે દમણગંગા નદી કિનારે સ્મશાનભૂમિ નજીક જૂના પુલ આગળ આવી નદીમાં ઝંપલાવી દીધું હતું. ધર્મિનભાઈની પત્નીએ ગામમાં શોધખોળ કરેલ પણ મળી આવેલ નહિ જેથી એમના સગા-વ્હાલા તેમજ મિત્રોને જાણ કરતા શોધખોળ હાથ ધરી હતી. અઢી વાગ્યાના સુમારે ધર્મિનભાઈની કાર દમણગંગા નદી કિનારે મળી આવી હતી. જેની અંદર એમનો મોબાઈલ ઘડિયાળ સહિતની વસ્તુઓ પણ મળી આવી હતી. ત્યારબાદ પોલીસને જાણ કરતા પોલીસની ટીમ અને ફાયર વિભાગની ટીમ પણ પહોંચી ગઈ હતી. આ ઘટનાની જાણ થતા જિલ્લા પંચાયતના સીઈઓ સહિત અધિકારીઓ પણ સ્થળ પર પહોંચ્યા હતા. ફાયર વિભાગની ટીમ દ્વારા મોડી સાંજ સુધી ધર્મિનભાઈની શોધખોળ હાથ ધરી હતી, પરંતુ હજી સુધી તેઓ મળી આવેલ ન હતા. ધર્મિનભાઈકેન્સરની બીમારીથી પીડાતા હતા. જેનાથી કંટાળી જતા આ પગલું ઉઠાવ્યું હોવાનું ગ્રામજનો જણાવી રહ્યા છે.
