આરોપી મનહર મંગળભાઈ પટેલ બાઈક ઉપર વિસ્ફોટકોનો જથ્થો લઈ જતા ઝડપાયો
(વર્તમાન પ્રવાહ વાપી બ્યુરો)
વાપી, તા.13: ધરમપુરના ગુંદીયા ગામેથી આજે સોમવારે એસ.ઓ.જી. ટીમે વિસ્ફોટક જથ્થો ઝડપી પાડયો હતો. 26400 નો મુદ્દામાલ સાથે બાઈક ઉપર જથ્થો લઈ જતાઆરોપીની અટક કરી કાયદેસરની કાર્યવાહી કરી હતી.
પ્રાપ્ત વિગતો મુજબ સ્પે.ઓપરેશન ગૃપ (એસ.ઓ.જી.) ધરમપુર વિસ્તારમાં પેટ્રોલીંગમાં હતી ત્યારે ગુંદીયા ગામે શંકાસ્પદ જણાતા બાઈક ચાલક યુવાનને પૂછપરછ કરતા યુવાને તેનુ નામ મનહર મંગળભાઈ પટેલ (રહે.ધરમપુર) જણાવ્યું હતું. તપાસ દરમિયાન બાઈકમાં 20 જીલેટીન અને 20 ઈલેક્ટ્રોનિક્સ ડીટોનેટર બાઈકમાં છુપાવેલા મળ્યા હતા. પોલીસે 26400 રૂા.નો મુદ્દામાલ જપ્ત કરી આરોપી મનહરની અટક કરી હતી. મનહર આ વિસ્ફોટક જથ્થો કેમ લાવ્યો હતો તેની પોલીસે આગળની વધુ તપાસ હાથ ધરી છે.
—–
