પી.આઈ., પી.એસ.આઈ., સહિત 100 ઉપરાંત પોલીસ સ્ટાફે શહેરને ખુંદી વળી આરોપી સેમ્પુ અચ્છેલાલ શાહને ગીતાનગરની એક બિલ્ડીંગના ચોથા માળેથી ઝડપી લીધો
(વર્તમાન પ્રવાહ વાપી બ્યુરો)
વાપી, તા.13: વાપી ટાઉન પોલીસ સ્ટાફ અને ઉચ્ચ અધિકારીઓની કુનેહ અને સમય સુચકતા આધિન આજે વાપી ગીતાનગર વિસ્તારમાંથી સગીર બાળાનું અપહરણ થયું હતું તે પરિવારની ફરિયાદ બાદ માત્રને માત્ર ગણતરીના કલાકોમાં પી.આઈ., પી.એસ.આઈ., ઉચ્ચ પોલીસ અધિકારીઓની100 ઉપરાંતની ટીમે શહેર આખાને ખુંદી વળીને આરોપીને ઝડપી પાડી અપહરણ કરાયેલ બાળાને મુક્ત કરાવી હતી. ટાઉન પોલીસની જાંબાઝ પ્રશંસનીય કામગીરીની આબાદ ઝલક આજે ઉજાગર થયેલી જોવા મળી હતી.
બાળકીના અપહરણની ઘટનાને ગણતરીની કલાકો નહીં મિનિટોમાં વાપી ટાઉન પોલીસે કરેલી જાંબાઝ કામગીરી બાદ ટાઉન પો.સ્ટે.ના ઈન્ચાર્જ પી.આઈ. બી.જે. સરવૈયાએ યોજેલી પત્રકાર પરિષદમાં આપેલ માહિતી મુજબ બપોરે 2:30 કલાકે ટાઉન પોલીસ સ્ટેશનમાં એક પરિવાર દોડી આવ્યો હતો અને ફરિયાદ કરી હતી કે અમારી 0.4 વર્ષની બાળકીનું અપહરણ કરાયું છે. પોલીસે ગુનાની ગંભીરતા લઈ ક્ષણનો પણ વિલંબ કર્યા સિવાય ઈન્ચાર્જ પી.આઈ. બી.જે. સરવૈયાએ એસ.પી., ડી.વાય.એસ.પી., ઉચ્ચ અધિકારીઓ તાત્કાલિક જાણ કરી જબરજસ્થ ઓપરેશન તાકીદે હાથ ધર્યું હતું. ઉચ્ચ પોલીસ અધિકારીઓ સહિત 100 ઉપરાંતનો પોલીસ કાફલો સ્ટાફ શહેરને ખુંદવું આરંભી દીધું હતું. અંતે આ સર્ચ ઓપરેશન સફળ થયું હતું. ભોગ બનનાર બાળા અને અપહરણ કરી જનાર આરોપી સેમ્પુ અચ્છેલાલ શાહ ઉ.વ.35 રહે.ગીતાનગર મહેશભાઈની ચાલ રામધારી ચક્કી સામે ને નવી બની રહેલ બિલ્ડીંગના ચોથા માળેથી બાળકી સાથે પોલીસે ધબોચી લઈ અટક કરી કાયદેસરની કાર્યવાહી કરી હતી. બાળાને માતા સાથે મેડીકલતપાસ માટે પોલીસે મોકલી આપી હતી. ટાઉન પોલીસ અને સમગ્ર પોલીસ સ્ટાફે આજે પ્રશંસનીય નહી બલ્કે જાંબાઝ કામગીરી પાર પાડી ઉદાહરણ પુરુ પાડેલ છે.
