શનિવારની રાત્રિના 9:00 વાગ્યાના અરસામાં નાની દમણના મશાલચોક ખાતે પાછળથી આવેલી નંબર પ્લેટ વગરની મોટરસાયકલથી ફરિયાદીને ટક્કર મારી મોબાઈલની કરેલી લૂંટ
(વર્તમાન પ્રવાહ ન્યુઝ નેટવર્ક)
દમણ, તા.20 : શનિવારની રાત્રિના લગભગ 9:00 વાગ્યે નાની દમણના મશાલચોક ખાતે પાછળથી નંબર પ્લેટ વગરની મોટરસાયકલમાં આવેલા બે લૂંટારૂઓએ ફરિયાદીને ટક્કર મારી મોબાઈલ છીનવી લેતાં ફરિયાદીએ બુમરાણ મચાવતાં ઉપસ્થિત લોકોએ આરોપીને ઘટના સ્થળથી જ પકડી લીધો હતો. પરંતુ બીજો આરોપી ફરાર થવા સફળ થયો હતો.
ઘટનાની ખબર મળતાં જ પોલીસે મુખ્ય માર્ગ અને નજીકના છુપાવાના વિસ્તારની સઘન તપાસ કરતાં ફરાર સહ આરોપીને પકડવા પોલીસ સફળ થઈ હતી. ધરપકડ કરાયેલા આરોપીઓમાં (1)અંશારૂલ સરજાવૂદિન હક (ઉ.વ.20) રહે.વાપી, ગુજરાત (2)દીપક સિયારામ પાસવાન (ઉ.વ.21) રહે. વાપી, ગુજરાતનો સમાવેશ થાય છે. આરોપીઓ પાસેથી રેડમી-8 મોબાઈલ અને વગર નંબર પ્લેટવાળી હિરો સ્પ્લેન્ડર મોટરસાયકલ કબ્જે લેવામાં આવી છે.