સામુહિક રીતે બિઝનેશમાં એકબીજાને મદદરૂપ બની શકાય તેની ચર્ચા સાથે મેમ્બરોએ પોતાના બિઝનેશનું પ્રેઝન્ટેસન કર્યું
(વર્તમાન પ્રવાહ વાપી બ્યુરો)
વાપી,તા.27 : જે.સી.આઈ. ઈન્ડિયા વાપી યુનિટ દ્વારા શનિવારે સાંજના વી.આઈ.એ.માં તદ્ન નવતર પ્રયોગ સાથે પ્રથમવાર બિજનેશ મીટિંગનું આયોજન કરવામાં આવ્યું હતું. જેમાં જે.સી.આઈ. હોદ્દેદારો અને મેમ્બર ઉપસ્થિત રહ્યા હતા.
જે.સી.આઈ. વાપીએ યુવા-યુવતિઓનું ક્રિએટીવ ગૃપ છે. ખાસ કરીને બિઝનેશના વિકાસ વિસ્તાર માટે સતત એક્ટિવ રહેતુ ગૃપ છે. નવા આઈડીયા અને ઈનોવેશન માટે સદા સક્રિય રહે છે તે અંતર્ગત વી.આઈ.એ.માં જે.સી.આઈ. વાપી દ્વારા બિઝનેશ મીટિંગ યોજાઈ હતી. જેમાં ઉપસ્થિત મેમ્બરોએ બિઝનેશના વિકાસ માટે ચર્ચા-વિચારણાનું આદાન પ્રદાન કર્યું હતું. સાથે સાથે ઉપસ્થિત મેમ્બર્સોએ પોતાના બિઝનેશ અંગે પ્રેઝન્ટેશન કર્યું હતું. તેથી એકબીજાને ક્યાં કેવી રીતે સહયોગ કરી શકાય તેનો આ ખુલ્લા મંચ થકી જી.સી.બી.એ.નો નવતર પ્રથમ પ્રયોગ હતો. તેમજ જ્ઞાનની આપ-લે કરાઈ હતી. જે.સી.આઈ. પ્રમુખ સી.એ. દીપીકા ગુટગુટીયા, સેક્રેટરી સી.એસ. પહેરા, તેમજ પ્રોજેક્ટ કન્સલટન્ટ પાસ્ટ પ્રેસિડેન્ટ ચિરાગ પટેલના માર્ગદર્શન હેઠળ બિઝનેશ મીટિંગ યોજાઈ હતી. હાર્દિક પટેલએ મીટિંગનું સંચાલન કર્યું હતું. મીટિંગમાં સભ્યો, પૂર્વ પ્રમુખો, હોદ્દેદારો, મોટી સંખ્યામાં ઉપસ્થિત રહ્યા હતા.
