પાર્ટીના સ્થાપના દિનની ઉજવણી અંતર્ગત મા ભારતીને કાર્યકરો, હોદ્દેદારોએ પુષ્પાંજલી અર્પણ કરી : મોદીજીનું લાઈવ સંબોધન નિહાળાયું
(વર્તમાન પ્રવાહ વાપીબ્યુરો)
વાપી, તા.06: વલસાડ જિલ્લા ભાજપ મધ્યસ્થ કાર્યાલય કમલમ્ સહિત જિલ્લામાં વિવિધ શહેરોમાં આજે ગુરુવારે 43મા ભાજપ સ્થાપના દિનની ભારતીય જનતા પાર્ટી દ્વારા દબદબાપૂર્વક ઉજવણી કરવામાં આવી હતી.
વલસાડ જિલ્લા ભારતીય જનતા પાર્ટીના મુખ્ય કાર્યાલય વલસાડ કમલમ્માં જિલ્લા ભાજપ પ્રમુખ હેમંતભાઈ કંસારાના અધ્યક્ષ સ્થાને ભાજપના 43મા સ્થાપના દિનની ઉજવણી કરાઈ હતી. આ પ્રસંગે જિલ્લા પ્રભારી શીતલબેન સોની, માધુભાઈ કથીરીયાની વિશેષ ઉપસ્થિતિમાં 43મા સ્થાપના દિનની ઉજવણીના ભાગ રૂપે ધ્વજારોહણ કરવામાં આવ્યું હતું તેમજ મા ભારતીને પુષ્પાંજલી અર્પણ કરાઈ હતી. આજે ભાજપના 43મા સ્થાપના દિને વડા પ્રધાન નરેન્દ્ર મોદીનું લાઈવ સંબોધન હતું તેથી ઉપસ્થિત કાર્યકર્તાએ લાઈવ પ્રસારણ નિહાળ્યું હતું. મહામંત્રી શિલ્પેશ દેસાઈ, પ્રદેશના હોદ્દેદારો, જિલ્લાના વિવિધ ભાજપ હોદ્દેદારોની ઉપસ્થિતિમાં ભાજપના 43મા સ્થાપના દિનની ઉજવણી કરાઈ હતી. ભાજપ સ્થાપના દિનની જિલ્લાના વિવિધ મથકોએ પણ કાર્યકરોએ કરી હતી.