સાંસદ લાલુભાઈ પટેલના મુખ્ય અતિથિ પદે યોજાનાર રક્તદાન શિબિર સમારંભમાં વિશિષ્ટ અતિથિ તરીકે કલેક્ટર, આરોગ્ય સચિવ અને એસ.પી.ની રહેનારી ઉપસ્થિતિ
(વર્તમાન પ્રવાહ ન્યુઝ નેટવર્ક)
દમણ, તા.07 : નાની દમણના મશાલ ચોક ખાતે આવેલ આનંદ કો-ઓપરેટિવ હાઉસિંગ સોસાયટી લિમિટેડ દ્વારા આવતી કાલે પ્રધાનમંત્રી શ્રી નરેન્દ્રભાઈ મોદીના દમણ આગમનને વધાવવા વિશાળ રક્તદાન શિબિરનું આયોજન કરવામાં આવ્યું છે.
આવતી કાલે શનિવારે સવારે 9 વાગ્યે નાની દમણની આનંદ કો-ઓપરેટિવ હાઉસિંગ સોસાયટી ખાતે યોજાનાર રક્તદાન શિબિરમાં મુખ્ય અતિથિ તરીકે દમણ-દીવના સાંસદ શ્રી લાલુભાઈ પટેલ અને દમણના જિલ્લા કલેક્ટર શ્રી સૌરભ મિશ્રા, આરોગ્ય સચિવ શ્રી અરૂણ ટી. અને પોલીસ અધિક્ષક શ્રી અમિત શર્મા વિશિષ્ટ અતિથિ તરીકે ઉપસ્થિત રહેશે.
શિબિરમાં રક્તદાતાઓને હેલમેટ અને એલઈડી લાઈટની ભેટ આપી તેમના ઉત્સાહનું વર્ધન કરાશે.
