જે.સી.બી. દ્વારા ગેસ લાઈન ખોદકામની કામગીરી ચાલતી હતી : દુકાન-પાર્ક કરેલ વાહનો સળગી ઉઠયા
(વર્તમાન પ્રવાહ વાપી બ્યુરો)
વાપી, તા.09: ધરમપુર માલનપાડા ગામે આજે રવિવારે ગેસ પાઈપ લાઈનનું જે.સી.બી. દ્વારા ખોદકામ ચાલી રહ્યું હતું ત્યારે અચાનક ગેસ લાઈન લીકેજ થતા બ્લાસ્ટ થયો હતો. બ્લાસ્ટથી ભિષણ આગ ભભુકતા દોડધામ મચી જવા પામી હતી.
ધરમપુર નજીક આવેલ માલનપાડા ગામમાં જે.સી.બી. દ્વારા ગેસ પાઈપ લાઈનનીકામગીરી અંગે ખોદકામ ચાલી રહ્યું હતું તે દરમિયાન અચાનક ગેસ પાઈપ લીકેજ થતા અચાનક બ્લાસ્ટ થતા ભિષણ આગ લાગી હતી. આગમાં પાસે આવેલ એક દુકાન અને વાહનો લપેટમાં લીધા હતા. ઘટનાની જાણ ફાયર વિભાગને કરતા ફાયર બ્રિગેડ ઘટના સ્થળે પહોંચીને આગ પર કાબુ કરી લીધો. આગને લઈ દુકાનદાર ઈજાગ્રસ્ત થતા તેને સારવાર માટે ખસેડાયો હતો. સમગ્ર વિસ્તારમાં આગ લાગ્યા બાદ ભારે દોડધામ મચી જવા પામી હતી.