(વર્તમાન પ્રવાહ ન્યુઝ નેટવર્ક)
સેલવાસ, તા.18
દાનહમાં લોકસભા પેટા ચૂંટણી સંદર્ભે સ્વીપ ગતિવિધિ અંતર્ગત દરેક મતદાન કેન્દ્ર પર ઈવીએમ મશીનનો ઉપયોગ માટે સામાન્ય નાગરિકને જાણકારી આપવામાં આવી રહી છે અને એની સાથે એમને વોટ આપવા માટે પણ પ્રેરિત કરવામા આવી રહ્યા છે.
દાનહ કલેકટર અને જિલ્લા ચૂંટણી અધિકારી ડો.રાકેશ મિન્હાસના દિશા-નિર્દેશમાં અને ચૂંટણી અધિકારીના માર્ગદર્શનમાં સ્વીપ ગતિવિધિ અંતર્ગત મતદાતા જાગરૂકતા કાર્યક્રમનું આયોજન કરવામા આવી રહ્યુ છે. એ માટે પંચાયત માર્કેટમાં શેરી-નાટકનું આયોજન કરવામા આવ્યું હતું. સાથે સાથે ઈવીએમ મશીનનો ઉપયોગની જાણકારી અને મતદાનનું મહત્વ જણાવતા એમને વોટ આપવા માટે પ્રોત્સાહિત કરવામા આવ્યા હતા.
