દુકાન સંચાલક સહિત વાપરનારા પાંચ ઈસમો ઝડપાયા
(વર્તમાન પ્રવાહ વાપી બ્યુરો)
વાપી, તા.18: વાપી વિસ્તારમાં રાહદારીઓના મોબાઈલ સ્નેચિંગ થવાની વધી રહેલી ઘટનાઓને લઈ એસ.ઓ.જી. એલર્ટ બની હતી. એસ.ઓ.જી.ને સ્નેચિંગ કરેલ મોબાઈલનો 36 નંગ જેટલો જથ્થો વાપી હરિયા પાર્કની એક શોપમાંથી શોધી કાઢવાની સફળતા સાંપડી છે.
વલસાડ એસ.ઓ.જી. ટીમે ડુંગરાહરિયા પાર્કમાં સ્નેચિંગ કરેલા મોબાઈલ રાખનાર દુકાન સંચાલક અને વપરાશ કરનાર ચાર ઈસમો મળી કુલ પાંચને ઝડપી પાડયા હતા. એસ.ઓ.જી.એ કુલ 40 મોબાઈલ હરિયા પાર્ક ગેટની પાસે આવેલ શ્રી કૃષ્ણા મોબાઈલના સંચાલક રાજકુમાર રામજીવન વર્મા રહે.હરિયા પાર્કની અટક કરી હતી. તેમજ 1.32 લાખના કુલ 40 મોબાઈલ અંગે આધાર પુરાવા દુકાન સંચાલક રજૂ નહી કરી શકતા આરોપીઓને એસ.ઓ.જી.એ ડુંગરા પોલીસને વધુ તપાસ માટે સોપ્યા હતા.
