ભાજપ સંગઠનને વધુ કાર્યદક્ષ મજબુત બનાવવા ભાજપના ઉચ્ચ હોદ્દેદારોની ઉપસ્થિતિમાં મનોમંથન હાથ ધરાયું
(વર્તમાન પ્રવાહ વાપી બ્યુરો)
વાપી, તા.19: આગામી 2024માં લોકસભાની સામાન્ય ચૂંટણી યોજાવાની હોવાથી વલસાડ જિલ્લા ભાજપ દ્વારા તે પૂર્વેની તૈયારીઓ શરૂ કરી દીધી છે. આજે બુધવારે વલસાડ કમલમ મુખ્ય કાર્યાલયમાં જિલ્લાના ભાજપ હોદ્દેદારો અને ધારાસભ્યોની રાહબરીમાં સરળ એપ અને બુથ સશક્તિકરણ અંગેની સમિક્ષા બેઠક યોજાઈ હતી.
વલસાડ જિલ્લા ભાજપ સંગઠન પ્રમુખ હેમંતભાઈ કંસારા, પૂર્વ મંત્રી કપરાડાના ધારાસભ્ય જીતુભાઈ ચૌધરી, જિલ્લા કારોબારી અધ્યક્ષ ગુલાબભાઈ રાઠવા, સમીપભાઈ રાંચ, કપરાડા તાલુકા પંચાયત પ્રમુખ મોહનભાઈ ગરેલ, કપરાડા તાલુકા ભાજપ સંગઠન પ્રમુખ રમેશભાઈ ગાવિત, જિલ્લા-તાલુકા પંચાયતોના સભ્યો, સરપંચશ્રીઓ તથા સંગઠનના હોદ્દેદારોની મિટિંગ જિલ્લા ભાજપ મધ્યસ્થ કાર્યાલય કમલમમાં યોજાઈ હતી.મિટિંગમાં આગામી લોકસભાની ચૂંટણી અંગેની તમામ તૈયારીના ભાગરૂપે સરળ એપ અને બુથ સશક્તિકરણ અંગેની મિટિંગમાં સમિક્ષા કરવામાં આવી હતી.