(વર્તમાન પ્રવાહ ન્યુઝ નેટવર્ક)
દમણ, 19: કેન્દ્ર શાસિત પ્રદેશ દમણમાં અવિરત વરસાદને કારણે, જિલ્લા કલેક્ટર શ્રી સૌરભ મિશ્રાએ આજે ગુરુવાર, તા.20 જુલાઈ, 2023ના રોજ જિલ્લાની તમામ શાળાઓ બંધ રાખવાનો આદેશ આપ્યો છે. આ આદેશમાં જિલ્લા કલેક્ટર શ્રી સૌરભ મિશ્રાએ જણાવ્યું છે કે, ભારતીય હવામાન વિભાગે દક્ષિણ ગુજરાત સહિત કેન્દ્ર શાસિત પ્રદેશ દમણમાં પણ ભારે વરસાદની સંભાવના વ્યક્ત કરી છે. આ કારણે દમણ જિલ્લાની તમામ સરકારી શાળાઓ, અનુદાનિત અને ખાનગી શાળાઓ 20 જુલાઈ, 2023ના રોજ બંધ રહેશે. આ ક્રમમાં, જિલ્લા કલેક્ટરશ્રીએ દમણની તમામ શૈક્ષણિક સંસ્થાઓને બંધ રાખવાનો આદેશ આપ્યો છે.
જણાવી દઈએ કે દમણમાં સતત ભારે વરસાદને કારણે જિલ્લા કલેક્ટરશ્રીએ સાવચેતીના પગલાં તરીકે આ પગલું લીધું છે. જિલ્લા કલેક્ટર શ્રી સૌરભ મિશ્રા દ્વારા શાળાના વિદ્યાર્થીઓની સુરક્ષાને ધ્યાનમાં રાખીને આ નિર્ણય લેવામાં આવ્યો છે.
