(વર્તમાન પ્રવાહ ન્યુઝ નેટવર્ક)
સેલવાસ, તા.21: સેલવાસ ઝંડાચોક પ્રાથમિક હીન્દી કેન્દ્ર શાળામાં સંચાલિત ઈકો ક્લબ અને પ્રહરી ક્લબના સભ્યો દ્વારા સેલવાસના વિવિધ વિસ્તારોમાં જાગૃકતા રેલી કાઢવામાં આવી હતી. ઈકો કલબના પ્રભારી શિક્ષક શ્રી આશિષ કુમાર યાદવના માર્ગદર્શનમાં વિદ્યાર્થીઓએ પર્યાવરણની સુરક્ષા સબંધી સંદેશ આપ્યો એની સાથે પ્રહરી ક્લબના પ્રભારી શિક્ષક શ્રી અમ્બરીશ મોર્યા અને એમની ટીમે વિવિધ પ્રકારના વ્યસન અને નશા પ્રત્યે લોકોને જાગૃત કર્યા હતા. શાળાના આચાર્ય શ્રી વ્રજભૂષણ ઝાએ રેલીને લીલીઝંડી બતાવી રવાના કરવામાં આવી હતી. એમણે શાળામા સંચાલિત ઈકો ક્લબ અને પ્રહરી ક્લબના ઉદેશ્ય અને કાર્યપ્રણાલી અંતર્ગત વિવિધ પ્રકારની ગતિવિધિઓ માટે વિદ્યાર્થીઓને શુભકામના આપી હતી.
