એ.સી.બી.એ ગોઠવેલ છટકામાં મેનેજર જગદીશચંદ્ર ક્રિષ્ણચન્દ્ર 20 હજારની લાંચ લેતા રંગે હાથ ઝડપાયો
(વર્તમાન પ્રવાહ વાપી બ્યુરો)
વાપી, તા.26: વલસાડ ધમડાચી વેજલપોરમાં આવેલ કેનેરા બેંકનો બ્રાન્ચ મેનેજર આજે ધંધો કરવા માટે બેંકમાંથી લોન મંજુર કરવા પેટે ફરિયાદી પાસેથી 20 હજારની લાંચ લેતા એ.સી.બી.ના છટકામાં રંગે હાથ ઝડપાઈ ગયો હતો.
પ્રાપ્ત વિગતો મુજબ ફરિયાદી શ્રી બાજપાઈ બેંકબલ યોજના અંતર્ગત ડી.જે.ના ધંધાના વિકાસ માટે ધમડાચી વિજલપુર કેનેરા બેંકમાં લોનની માંગણી કરી હતી. બેંકનો બ્રાન્ચ મેનેજર જગદીશચન્દ્ર ક્રિષ્ણચંદ્ર મિશ્રા રહે.તિથલ રોડ આર.એમ. પાર્ક, ફલેટ નં.બી-301 મૂળ રહે.યુપી અલ્લાપુર લોન માંગનારના ઘરે રૂબરૂ મળ્યો હતો.જણાવેલ કે લોનથી તમને લાખ રૂપિયા સબસીડી મળવાપાત્ર છે તેથી લોન મંજુર કરવાના અવેજમાં 20 હજાર આપવા પડશે. ફરિયાદી જે આપવા માગતા નહોતા તેથી એ.સી.બી.માં ફરિયાદ કરી હતી. એ.સી.બી. પી.આઈ. કે.આર. સક્સેના અને સ્ટાફએ ગુંદલાવથી ખેરગામ જતા મુખ્ય માર્ગની જમણી બાજુ આઈસ્ક્રિમ દુકાન સામે ફરિયાદી પાસેથી ખાખી કવરમાં રાખેલા 20 હજાર બેન્ક મેનેજર જગદીશચન્દ્ર મિશ્રા પોતાની થેલીમાંર ાખવા જતા જ એ.સી.બી.એ ગોઠવેલ છટકામાં આરોપીને 20 હજારની લાંચ સ્વિકારતા ઝડપી લીધો હતો.