(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.26: વસુધારા ડેરી કેમ્પસમાં રહી સિકયુરિટી ગાર્ડ તરીકે ફરજ બજાવતા મહેન્દ્ર દુબેને અજાણ્યા વાહને હાઈવે પર અડફતે લેતા મોત નીપજ્યું હતું.
બનાવની પોલીસ મથકેથી પ્રાપ્ત માહિતી અનુસાર આલીપોર વસુધારા ડેરી કેમ્પસમાં રહી સિકયુરીટી ગાર્ડ તરીકે ફરજ બજાવતા મહેન્દ્ર રમાકાન્ત દુબે (ઉ.વ-42) (હાલ રહે.વસુધારા ડેરી કેમ્પસ તા.ચીખલી) (મૂળ રહે.જોનપુર યુ.પી) જે સાંજના સમયે ડેરીની સામે આવેલહોટલમાં જમવા માટે જઈ રહ્યા હતા. દરમ્યાન કોઈ અજાણ્યા વાહન ચાલકે અડફતે લેતા ગળાના ભાગે તથા ડાબા હાથના ખભા પર તેમજ શરીરે ગંભીર ઈજા પહોંચતા સારવાર અર્થે નજીકની હોસ્પિટલમાં લઈ જતા ફરજ પરના તબીબે મૃત જાહેર કરતા બનાવની ફરિયાદ મરનારના પુત્ર આશિષ દુબે એ કરતા વધુ તપાસ ચીખલી પોલીસ મથકના પીએસઆઈ-સમીર.જે.કડીવાલા કરી રહ્યા છે.
Previous post