હરીયાણાની વિલસન પ્રસાદ ગેંગનો પર્દાફાશ ઓનલાઈન ફોડ કરવામાં ગેંગ સાતીર છે : આરોપી પાસેથી 45 એટીએમ મળ્યા
(વર્તમાન પ્રવાહ વાપી બ્યુરો)
વાપી, તા.27: વાપીના જાણીતા બિલ્ડરે અદામી ગેસની એજન્સી મેળવવા માટે વેબસાઈટ ઉપર જુદા જુદા સમયે ટ્રાન્જેકશન કરી રૂા.94.20 લાખ રૂપિયા ઈમેલથી ઓનલાઈનથી ભરપાઈ કર્યા હતા. બાદમાં એજન્સી અંગે કોઈ વધુ પ્રોસિજર નહીં તતા બિલ્ડરે વેબસાઈટ ઉપર કોઈ નોંધ જ નહોતી તેથી બિલ્ડર સાથે થયેલી છેતરપીંડી અંગે તેમણે વલસાડ સાઈભર ક્રાઈમમાં ફરિયાદ નોંધાવી હતી.
સાઈબર ક્રાઈમે ઝીણવટભરી તપાસ હાથ ધરી હતી. જેમાં ક્રમશઃ સફળતા મળી રહી હતી. હરિયાણાની વિલસન ગેંગનો પર્દાફાસ થવા પામ્યો હતો. આ ગેંગના અગાઉ ચાર આરોપીને પોલીસે કુનેહથી ઝડપી લીધા છે જ્યારે વધુ પાંચમો આરોપીને ઝડપવામાં સાઈબર પોલીસ ટીમને સફળતા મળી છે. પોલીસે ઝડપાયેલ આરોપી પાસેથી 45 જેટલા એ.ટી.એમ. ઝડપી પાડયા છે. વિલસન ગેંગ જુદા જુદા બોગસ એકાઉન્ટ ખોલી નાણા ટ્રાન્સફર કરાવતી હતી. પોલીસે વાપીના બિલ્ડર સાથે થયેલ 94.20 લાખની છેતરપીંડી ગુનાનો પર્દાફાશ કરવાની સફળતા મળી છે. હજુ તપાસ ચાલું છે. તપાસમાં આગળ નવા શું ભેદ ખુલે છે તે બહાર આવશે.
