કાર ચાલક હિતાર્થ માલદે નકુમ અને બોનેટ પર સ્ટંટ કરનાર સ્વપ્નિલ ખંડેરાવ પાટીલની ધરપકડ
(વર્તમાન પ્રવાહ વાપી બ્યુરો)
વાપી, તા.01: સોશિયલ મીડિયા ઈન્સ્ટાગ્રામ, ફેસબુકમાં રીલ અપલોડ કરીને સસ્તી પ્રસિધ્ધિ મેળવવા આજના યુવાનોમાં ઘેલછા જોવા મળી રહી છે. તેવી સસ્તી પ્રસિધ્ધિ મેળવવા વાપી ગુંજન વિસ્તારમાં કાર બોઈનેટ ઉપર બેસી સ્ટંટ કરવાની ઘેલછા બે યુવાનોને ભારે પડી છે. વિડીયો વાયરલ થતા જ ઉદ્યોગનગર પોલીસે કાર ચાલક અનેસ્ટંટ કરનાર બે યુવાનોની ધરપકડ કરી કાયદેસરની કાર્યવાહી કરી હતી.
વાપી હરિયા હોસ્પિટલ રોડ ઉપર સોશિયલ મીડિયામાં રીલ અપલોડ કરવા માટે કાર ચલાવી રહેલ હિતાર્થ માલદે નકુમ અને બોઈનેટ ઉપર સ્ટંટ કરી રહેલ સ્વપ્નિલ ખંડેરાવ પાટીલએ સ્ટંટ કર્યો હતો. જેની જાણ પોલીસને થતા આઈ.પી.સી. અને એમ.વી. એક્ટ હેઠળ ગુનો નોંધી બન્નેની ધરપકડ કરી હતી. આ ઘટના બાદ પોલીસે જાહેર અપીલ કરી હતી કે સસ્તી લોકપ્રિયતા મેળવવા લોકો જીવ જોખમમાં મુકાય તેવો સ્ટંટ કરે છે. તેમની સાથે લોકોનો પણ જીવ જોખમમાં મુકાઈ શકે છે. તેથી આ સ્ટંટ કરનાર સામે પોલીસ સખ્ત કાર્યવાહી પણ કરશે.
