આરોપીના રિમાન્ડ પુરા થતા જ્યુડિશિયલ કસ્ટડીમાં ધકેલાયો
(વર્તમાન પ્રવાહ ન્યુઝ નેટવર્ક)
પારડી, તા.05: વલસાડ જિલ્લા સહિત દેશના અનેક રાજ્યોમાં ચકચાર મચાવનારા પારડી મોતીવાડા ખાતેની કોલેજીયન યુવતી સાથે રેપ અને મર્ડર કરનારા હરિયાણાના રાહુલ કરમવીર જાટ ને વલસાડ પોલીસ અને રેલ્વે પોલીસના જોઈન્ટ ઓપરેશન દ્વારા ઘટનાના દસ દિવસ બાદ ઝડપી લીધો હતો.
ત્યારબાદ પારડી કોર્ટમાં રજૂ કરાતા કોર્ટે તેને દસ દિવસના રિમાન્ડ આપ્યા હતા અને આ દસ દિવસના રિમાન્ડ દરમિયાન મોતીવાડા સહિત બીજા દેશભરના અનેક રાજ્યોમાં તેણે કરેલ ચોરી લૂંટ અને મર્ડરના ગુના ઉકેલાતા આ આરોપી રીઢો સિરિયલ કિલર અને સાયકો હોવાનુંબહાર આવ્યું હતું.
આજરોજ તારીખ 5.12.2024 ના રોજ આ સિરિયલ કિલર રાહુલના 10 દિવસના રિમાન્ડ પૂર્ણ થતા તેને ફરી પારડી કોર્ટમાં રજૂ કરવામાં આવતા કોર્ટે તેને જ્યુડિશિયલ કસ્ટડીનો હુકમ કર્યો હતો.
પરંતુ આ સિરિયલ કિલરે ફકત મોતીવાડા જ નહિ પરંતુ ગુજરાતના બરોડા, આંધ્રપ્રદેશ, તેલંગાણા, કર્ણાટક અને વેસ્ટ બંગાળ જેવા રાજ્યમાં પણ અનેક ચોરી, લૂંટ અને મર્ડર જેવા ગુનાઓ આચર્યા હોવાનું બહાર આવતા આ તમામ રાજ્યોની પોલીસ પણ તપાસ અર્થે લઈ જઈ તપાસ હાથ ધરશે અને આ તપાસ દરમ્યાન ઘણો સમય નીકળી જતા અને ત્યારબાદ જ આખરી ફેંસલો આવતા હાલમાં તો આ આરોપીએ કરેલા ગુનાઓ જ એને નવું જીવન આપી રહ્યા હોય એવું લાગી રહ્યું છે.
