કારમાં સવાર સુરતના પાંચ લોકોનો થયો ચમત્કારિક બચાવ
(વર્તમાન પ્રવાહ ન્યુઝ નેટવર્ક)
પારડી, તા.30: પારડી નેશનલ હાઈવે નંબર 48 પરથી શનિવારના સવારે સુરત તરફ જતી આઈ10 કાર નંબર જીજે-05- આરક્યુ-6437 ના ચાલકે પારડી કુમાર-કન્યા શાળા સામે હાઈવે પર રેલિંગ સાથે કાર ધડાકાભેર અથડાવી દીધી હતી. જોકે કારનું ટાયર ફાટતાં કાર અકસ્માત રેલિંગ સાથે અથડાઈ હોવાનું બહાર આવવા પામ્યું હતું. આ અકસ્માતમાં કારનો આગળનો ભાગ ભુક્કો વળી ગયો હતો. પરંતુ કારમાં સવાર સુરતના પાંચ લોકોનો ચમત્કારિક બચાવ થવા પામ્યો છે. આ અકસ્માતને પગલે ટ્રાફિક જામથઈ ગયો હતો. પોલીસને જાણ થતાં ઘટના સ્થળે દોડી આવી અકસ્માત થયેલી કારને સાઇડે કરાવડાવી ટ્રાફિક જામ હળવો કર્યો હતો.
