છેલ્લા સાત વર્ષથી એન.જી.એ. બાળકોને સ્કૂલમાં દાખલ કરાવી શૈક્ષણિક જવાબદારી અદા કરી રહી છે
(વર્તમાન પ્રવાહ વાપી બ્યુરો)
વાપી, તા.06: વાપી પરશુરામની પૂણ્ય ભૂમિ છે. વાપીની અનેક સામાજીક સંસ્થાઓ અધિકૃત નોંધનીય સમાજ સેવાની કામગીરી કરતી રહી છે તે પૈકી જાણીતી એન.જી.ઓ. મુશ્કાન એ આ વર્ષ નવા શૈક્ષણિક વર્ષમાં વાપીમાં ફૂટપાથ-ઝૂપડીમાં વસતા 30 જેટલા બાળકોને જુદી જુદી પ્રાથમિક શાળામાં એડમિશન કરાવીને માનવતાભરી કામગીરી કરેલ છે.
મુસ્કાન એન.જી.ઓ. વાપી વર્ષભર અનેક સમાજ સેવાના કામ કરે છે તે પૈકી ખુબ આદરણીય લેખાવી શકાય તેવી કામગીરી છેલ્લા 7 વર્ષથી શહેરના ગરીબ લત્તાનાબાળકોના માતા-પિતાને મળી સમજાવી સ્કૂલમાં એડમીશન અપાવ્યા છે. આ વર્ષે ચલા મુખ્ય શાળા, અજીતનગર પ્રા. શાળા, ટાઉન કુમાર શાળા, રાતા પ્રાયમરી સ્કૂલ, અંબામાતા મંદિર પાસેની પ્રા. શાળા જેવી સ્કૂલોમાં 30 જેટલા બાળકોને નવા શૈક્ષણિક વર્ષમાં એડમિશન અપાવ્યા છે તેમજ જરૂરી શૈક્ષણિક સહાય પણ મુસ્કાન એન.જી.ઓએ કરી છે.