શહેરમાં ચોમાસા દરમિયાન ખરાબ થયેલ રોડ અને મરામત-નવિનીકરણની કામગીરી પાલિકા દ્વારા કરવામાં આવી રહી છે
(વર્તમાન પ્રવાહ વાપી બ્યુરો)
વાપી, તા.07: વાપી નગરપાલિકા હદ વિસ્તારના આંતરિક સહિત મુખ્ય રસ્તા ગત વર્ષે ચોમાસામાં ખરાબ થઈ ગયા હતા. તેવા તમામ રોડની મરામત તથા નવિનીકરણની કામગીરી ક્રમશઃ પાલિકા દ્વારા કરવામાં આવી રહી છે. તે શૃંખલામાં હાલમાં વાપીના કુંભારવાડ પાંચ આંબાથી નામધા ખડકલા રીંગરોડને જોડતા મુખ્ય માર્ગની નવિનીકરણની કામગીરી ચાલી રહી છે.
વાપી શહેરમાં ચોમાસા દરમિયાન મોટાભાગના મુક્ય અને આંતરિક રોડ ખરાબ થઈ ગયા હતા. તેથી સામાન્ય જનતા અને વાહન ચાલકો ત્રસ્ત બની ગયા હતા.આમપણ શહેર ભીડભાડવાળુ છે તેમાં ખરાબ રોડથી વધુ મુશ્કેલી લોકો વેઠતા હતા પરંતુ પાલિકાએ એક પછી એક રોડ બનાવવાની કામગીરી હાથ ધરી છે તે પૈકી હાલમાં કુંભારવાડથી નામધા ખડકલા રીંગરોડને જોડતા મુખ્ય માર્ગની કામગીરી ચાલુ છે.