(વર્તમાન પ્રવાહ વાપી બ્યુરો)
વાપી, તા.04: જય ભારત, જય સંવિધાન, નમો બુદ્ધાય સાથે જણાવવાનું કે તથાગત ગૌતમ બુદ્ધ જયંતિ મહોત્સવ સમિતી, વાપી, જી.વલસાડ, દમણ, સેલવાસ વતી આવનારી 5 મે 2023ના રોજ વિશ્વશાંતિદૂત તથાગત ભગવાન ગૌતમ બુદ્ધની 2567 મી જન્મ જયંતિ નિમિત્તે વાપીમાં આંતરરાષ્ટ્રીય બૌદ્ધ મહાપર્વની ભવ્ય ઉજવણી કરવામાં આવનાર છે. જેમાં તા.05 મે 2023ના રોજ સાંજે 4 કલાકથી ત્રિરત્ન સર્કલ ચણોદ, તા.વાપી, જિ.વલસાડથી એક ભવ્ય ધમ્મરેલીનું આયોજન કરવામાં આવેલ છે. ધમ્મરેલી બુદ્ધમ્ શરણમ્ ગચ્છામી, ધમ્મમ્ શરણમ્ ગચ્છામી, સંઘમ શરણમ ગચ્છામી ના નારાઓ સાથે ભડકમોરા થઈ વી.આઈ.એ. હોલમાં આ રેલીનું સમાપન થશે. ત્યાર બાદ 5:30 કલાકે વી.આઈ.એ. હોલ ખાતે પ્રમુખ અતિથી, પ્રમુખ વક્તાઓની હાજરીમાં દિપ પ્રજ્વલીત કરી, બુદ્ધવંદના કરી વિશ્વસાંતિદૂત તથાગત ગૌતમ બુદ્ધને વિજ્ઞાનવાદી સત્ય અહિંસા માનવતાવાદી વિચાર કાર્યપ્રણાલી પર પ્રમુખ વક્તાઓ માર્ગદર્શન આપશે. આ કાર્યક્રમમાં રમાઈ મહિલાબ્રિગેડ, વાપી, દમણ, સેલવાસ વતી સાંસ્કૃતિક પ્રબોધનાત્મક કાર્યક્રમ પણ રાખવામાં આવેલ છે. આ આંતરરાષ્ટ્રીય બૌદ્ધ મહાપર્વમાં ઉજવણી કાર્યક્રમમાં હજારો ધમ્મપ્રેમી સફેદ વષા પહેરીને કાર્યક્રમમાં સામીલ થનાર છે. આ કાર્યક્રમના અંતે ભોજનદાન, ખીરદાનની પણ વ્યવસ્થા કરવામાં આવેલ છે.
