રમણભાઈ ટેલર વેગેનાર અને એસ.પી. દસ્તૂરની અલ્ટો કારમાં કારટેપની ચોરી
(વર્તમાન પ્રવાહ વાપી બ્યુરો)
વાપી, તા.08: વલસાડમાં સોસાયટીના વોચમેન રાતે ઊંઘતો રહ્યો અને પાર્કિંગમાં પાર્ક કરેલ બે કારોની ટેપ સિસ્ટમ એક ઈસમ ચોરી કરી કળા કરી ગયાનો બનાવ નોંધાયો છે. ચોર ઈસમના કરતૂત સી.સી.ટી.વી. કેમેરામાં કેદ થઈ ગયેલા છે.
વલસાડ આવાબાઈ સ્કૂલ સામે આવેલ પ્રાચી ટાવરમાં વિતેલી રાતે આશરે 3 થી 4 વાગ્યાના સુમારે પાર્કિંગમાં પાર્ક કરેલ બે કારોની ટેપ સિસ્ટમ કોઈ અજાણ્યો ઈસમ ચોરી કરી ફરાર થવાનો બનાવ બન્યો હતો. સોસાયટીના પાર્કિંગમાં રમણભાઈ ટેલરે તેમની વેગેનાર કાર નં.જીજે 15 સીએલ 0931 અને એસપી દસ્તૂરએ તેમની અલ્ટો કાર નં.જીજે 15 સી.એચ. 7764 રાબેતા મુજબ પાર્ક કરી હતી. સવારે જોયુ તો બન્ને કારના દરવાજાના કાચ ખુલ્લા હતા. તપાસતા માલૂમ પડયુ કે બન્ને કારોમાં કિંમતી ટેપ રેકોર્ડર સિસ્ટમની ચોરી થયેલી માલુમ પડી હતી. આથી બન્ને કાર માલિકોએ સિટી પોલીસમાં ફરિયાદ નોંધાવી છે. રાતે સોસાયટીમાં વોચમેન તરીકે ફરજ બજાવતા ઈસમો કેરલેશ સાબિત થયા છે તેથી અન્ય સોસાયટીમાં પણ સતર્કતા દાખવવાની જરૂરી બની છે.
