ટેમ્પા સાથે 5 લાખનો મુદ્દામાલ સાથે નથ્થારામ મેઘવાલ
અને સુરેન્દ્રસિંગ રાજપૂતની ધરપકડ
(વર્તમાન પ્રવાહ વાપી બ્યુરો)
વાપી, તા.11: વલસાડ હાઈવે ધમડાચી રામદેવ હોટલ સામે શાકભાજીના ટેમ્પોમાં શાકભાજીના પોટલા સાથે છુપાવેલ દારૂનો જથ્થો પોલીસે ઝડપી પાડી બે આરોપીની ધરપકડ કરી હતી.
પ્રાપ્ત વિગતો મુજબ વલસાડ રૂરલ પોલીસના કોન્સ્ટેબલ વિષ્ણુભાઈ ગીરધારીલાલ અને નટુભાઈને મળેલી બાતમી આધારે વલસાડ ધમડાચી હાઈવે રામદેવ હોટલ પાસે વોચ ગોઠવી હતી તે દરમિયાન બાતમી વાળો પીકઅપ ટેમ્પો નં.એમએત 15 એમસી 2392 ને અટકાવી ચેકીંગ કરતા ટેમ્પામાં શાકભાજી સાથે છુપાવેલ દારૂનો જથ્થો મળી આવ્યો હતો. સેલવાસથી સુરત લઈ જવાતા ટેમ્પા સાથે દારૂનો જથ્થો મળી 5 લાખનો મુદ્દામાલ પોલીસે જપ્ત કર્યો હતો. ટેમ્પો ચાલક નથ્થારામ કહીરામ મેઘવાળ અને સુરેન્દ્રસિંગ રાજપૂત (મુંબઈ)ની અટકાયત કરી કાયદેસરની કાર્યવાહી પોલીસે કરી હતી.
