(વર્તમાન પ્રવાહ ન્યુઝ નેટવર્ક)
દીવ, તા.09: હાલ દીવમાં સ્માર્ટ સિટી અંતર્ગત બેંગલોરની કંપની કેટે મરીનની ફલોટિંગ બાર એન્ડ રેસ્ટોરન્ટ બોટ દીવ ખાતે આવેલ હોય જે ટૂંક સમયમાં સ્થાનિકો તેમજ પર્યટકો માટે ખુલ્લી મુકવામાં આવશે.
આ ફલોટિંગ બોટ અનેક સુવિધાઓ સાથે હોય જે પ્રવાસીઓ માટે આકર્ષણનું કેન્દ્ર બની જશે. ફલોટિંગ બોટમાં બાર એન્ડ રેસ્ટોરન્ટ રહેશે. લોકોને સમુદ્રની લહેરો સાથે ખાણી-પીણીની મોજ સાથે સંગીતની મજા સમુદ્રમાં માણવાનો લ્હાવો મળશે.
આ બોટમાં કુલ 167 પ્રવાસીઓની બેઠક સાથે દરિયામાં સફર કરાવશે. જેમાં મનોરંજન માટે અનેક સુવિધાઓ મુઝિક, શરાબ તેમજ બીયર બાર, બૂફે જેવી ભરપુર મોજ માણવાનો લ્હાવો લોકોને મળશે.
મળતી માહિતી અનુસાર ટૂંક સમયમાં આ સેવા શરૂ થશે ત્યાર બાદ ભાડું કેટલું નક્કી થશે એ જાણવા મળશે.