(વર્તમાન પ્રવાહ ન્યુઝ નેટવર્ક)
નવસારી, તા.05: નવસારી જિલ્લા કાર્યવાહક આયોજન સમિતિની બેઠક આજરોજ કલેકટર કચેરીના સભાખંડ ખાતે જિલ્લા કલેકટરશ્રી અમિતપ્રકાશ યાદવના અધ્યક્ષસ્થાને યોજાઈ હતી.
બેઠકમાં જિલ્લા કલેકટરશ્રી અમિત પ્રકાશ યાદવે આયોજનના કામો ઝડપથી પૂર્ણ કરવા જણાવતા કહ્યું હતું કે, આયોજનના કામો પ્રગતિ હેઠળના કામો આગામી માર્ચ સુધીમાં પૂર્ણ કરવા અને નવા વર્ષનું આયોજન બનાવી આંગણવાડીના કામોને પ્રાધાન્ય આપવા અનુરોધ કર્યો હતો.
બેઠક દરમિયાન વર્ષ 2023-24નું જિલ્લા કક્ષાનું આયોજન, વર્ષ 2023-24 તાલુકાના એટીવીટીનું આયોજન, વર્ષ 2021-22 અને વર્ષ 2022-23ના વિકેન્દ્રિત જિલ્લા આયોજન કાર્યક્રમના અને સંસદ સભ્યશ્રીના ફંડ હેઠળના કામોની સમીક્ષા કરવામાં આવી હતી.
આ બેઠકમાં જિલ્લા વિકાસ અધિકારીશ્રી અર્પિત સાગર, જિલ્લા આયોજન અધિકારી શ્રી ડી.એન.પટેલ, પ્રાંત અધિકારીશ્રીઓ તેમજ જિલ્લાના અમલીકરણ અધિકારીરીઓ ઉપસ્થિત રહ્યા હતા.
