સૌથી વધુ કોલ પેટમાં દુખાવો અને ઝાડા ઉલ્ટીના આવ્યા
(વર્તમાન પ્રવાહ ન્યુઝ નેટવર્ક)
ચીખલી(વંકાલ), તા.14: નવસારી જિલ્લામાં હાલ સુર્યદેવતા અગન ગોળા વર્ષા થઈ રહ્યા છે, તાપમાનનો પારો સતત વધી રહ્યો છે, છેલ્લાં ત્રણ-ચાર દિવસથી તાપમાનનો પારો 40 ડિગ્રીથી વધુ ડિગ્રી નજીક પહોંચી ગયો છે. વધુ પડતી ગરમીને કારણે માનવ જીવન સહિત પશુ-પક્ષીઓનાં સ્વાસ્થ્ય પર પણ અસર પડી રહી છે. વધુ પડતી ગરમીને કારણે લોકો બહાર નીકળવાનું ટાળી રહ્યા છે. જેના કારણે સડકો પર વાહનોની અવરજવર પણ ઓછી જોવા મળી રહી છે. કાળ ઝાળ ગરમીને કારણે તાપમાનનો પારો ઉંચે માનવ જીવનના સ્વાસ્થ્ય પર અસર પડી રહી છે. ગરમીના કારણે હિટસ્ટોક સહિત બીમારીના 108 ઈમરજન્સી સેવાના કોલ આવી રહ્યા છે. ગત 1 મેથી 11 મે સુધીમાં ગરમીને લગતી વિવિધ બીમારીના 228 કોલ 108 ઈમરજન્સી સેવાએ એટેન્ડ કર્યા છે. જેમાં (1) સૌથી વધુ પેટનો દુખાવો-84 (2) પેટમાં દુખાવા સાથે ઉલ્ટી અને ઝાડા-58 (3) વધારે પડતો તાપ હિટ સ્ટ્રોકનો-27 (4) માંથાનો દુખાવો-2 (5) બેભાન થવું ભાન ભૂલવાનો-57 મળી કુલ્લે 228 કોલ આવ્યા હતા. જ્યારે બેદિવસથી 40 થી વધુ ડિગ્રી તાપ પહોંચી જતા જેના કારણે લોકોની હાલત કફોડી બની જવા પામી છે.
