(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.14: સમરોલી સ્થિત સ્વામિનારાયણ સ્કૂલનું ધોરણ-12 વિજ્ઞાન પ્રવાહ અને ધોરણ-10 નું સીબીએસઈનું 100-ટકા પરિણામ આવતા શાળા પરિવારમાં ખુશી ફેલાઈ જવા પામી હતી.
સમરોલીમાં શ્રી સ્વામિનારાયણ ઈન્ટરનેશનલ ગુણાતીત વિદ્યાધામનું અંગેજી માધ્યમનું સીબીએસઈનું ધોરણ-12 સાયન્સ અને કોમર્સનું 100-ટકા પરિણામ જાહેર થયું હતું. જેમાં સાયન્સમાં પાર્થ પટેલ અને કોમર્સમાં હેમીલ પટેલ પ્રથમ ક્રમે આવ્યા હતા. શાળાના ચાર વિદ્યાર્થીઓ 90-ટકાથી વધુ જ્યારે 14 વિદ્યાર્થીઓ 80-ટકાથી વધુ લાવ્યા હતા.
જ્યારે સીબીએસઈના ધોરણ-10 ના અંગેજી માધ્યમનું પણ 100-ટકા પરિણામ સાથે યશવી ચૌહાણ પ્રથમ ક્રમે આવી હતી. અને 6 જેટલા વિદ્યાર્થીઓએ 90-ટકાથી વધુ ગુણ મેળવ્યા હતા. શાળાના પ્રમુખ, સ્વામી ઘનશ્યામ પ્રકાશ દાસજી, નિપુનભાઈ આચાર્ય ભરતસિંધ ભદૈરિયાએ તમામ વિદ્યાર્થીઓ અને સ્ટાફને અભિનંદન પાઠવ્યા હતા.
