નિતિન માલજીભાઈ પાહુ ગત તા.14 એપ્રિલે ઈકો લઈને માંડવા મયુરભાઈના ઘરે જવા નિકળ્યો હતો
(વર્તમાન પ્રવાહ વાપી બ્યુરો)
વાપી, તા.16: કપરાડા તાલુકાના જીરવલ ગામેથી પોતાની ઈકો કાર લઈને ગત તા.14 એપ્રિલના રોજ નિકળેલ યુવાન ગુમ થયો છે.
કપરાડાના જીરવલ ગામે માની ફળીયામાં રહેતો નિતિન માલજીભાઈ પાહું ઉ.વ.20 ગત તા.14 એપ્રિલના રોજ ઘરે તેની ઈકો કાર નં.જીજે 21 ઈક્યુ 9149 લઈને માંડવા જવા નિકળ્યો હતો. માંડવામાં મયુરભાઈના ઘરે કાર મુકીને સવારે 10 વાગ્યાના સુમારે કોઈને પણ જણાવ્યા વગર ક્યાંક નિકળી ગયો હતો. પરિવારે આમ તેમ શોધ કરી હતી પરંતુ નિતિનનો કોઈ પત્તો નહી લાગતા કપરાડા પોલીસ સ્ટેશનમાં જાણવા જોગ ફરિયાદ લખાવી હતી. નિતિનના હાથમાં સ્ટાર અને અંગ્રેજીમાં એન.એન.પી.નું ટેટુ ચિતરાવ્યું છે. કોઈને ભાળ મળે તો કપરાડા પોલીસ સ્ટેશનનો સંપર્ક કરવા જણાવાયું છે.
