પાણી તથા લાઈટ કનેકશન બંધ કરવા સાથે એક-એક કરોડની પેનલ્ટી ફટકારાઈ છે
(વર્તમાન પ્રવાહ વાપી બ્યુરો)
વાપી, તા.23: વાપી જીઆઈડીસીમાં પોલ્યુશન ઓકતા અને નિયમો ભંગ કરતા ઔદ્યોગિક યુનિટ સામે જી.પી.સી.બી. કડક રવૈયો અપનાવી લીધો છે તેવી વધુ એક કાર્યવાહી આજે થર્ડ ફેઈઝમાં આવેલ હેરંબા ઈન્ડસ્ટ્રીઝ સામે કરવામાં આવી છે. કંપનીને ક્લોઝર નોટીસ જી.પી.સી.બી.એ ફટકારી છે.
વાપી જી.આઈ.ડી.સી. થર્ડ ફેઈઝમાં આવેલી જાણીતી કંપની હેરંબા ઈન્ડસ્ટ્રિઝને જી.પી.સી.બી.એ ક્લોઝર નોટિસ ફટકારી છે. કંપનીના બન્ને યુનિટ-1 અને યુનિટ-2 ને ક્લોઝર સાથે સાથે દંડનીય કાર્યવાહી પણ કરી છે. બન્ને યુનિટને એક-એક કરોડની પેનલ્ટી અને વિજળી તથા પાણી કનેકશન કાપવાનો હૂકમ જી.પી.સી.બી.એ કર્યો છે. જી.પી.સી.બી.ના કડક રવૈયા આધિન અન્ય પ્રદૂષણ ઓકતા યુનિટોમાં ફફડાટ પ્રસરી જવા પામ્યો હતો.
—-
