(વર્તમાન પ્રવાહ ન્યુઝ નેટવર્ક)
દમણ, તા.05: દમણ જિલ્લા પંચાયતના અધ્યક્ષ શ્રીમતી જાગૃતિબેન પટેલના નેતૃત્વમાં આજે ખેડૂતોને ડાંગરના ઉન્નત બિયારણનું વિતરણ કરવામાં આવ્યું હતું. જિલ્લા પંચાયત કાર્યાલય ઉપર જિલ્લા પંચાયત કૃષિ વિભાગ તરફથી વિવિધ ગ્રામ પંચાયતોના 79 ખેડૂતોને ડાંગરની 9ઉન્નતીશિલ જાતોના બિયારણનું વિતરણ કરવામાં આવ્યું હતું. આજથી ડાંગરના બિયારણનું શરૂ કરવામાં આવેલું વિતરણ આગામી કેટલાક દિવસો સુધી ચાલશે.
ખેડૂતોને 50 ટકા સબસીડી ઉપર ડાંગરના બિયારણ ઉપલબ્ધ કરાવવામાં આવી રહ્યા છે. આ પ્રસંગે જિલ્લા પંચાયતના પ્રમુખ શ્રીમતી જાગૃતિબેન પટેલે લાભાર્થી ખેડૂતોને સારા પાકની શુભકામના આપી હતી.
ડાંગરના બિયારણના વિતરણ બાદ જિલ્લા પંચાયત કૃષિ વિભાગ યોગ્ય સમય ઉપર ખેડૂતોને ઓર્ગેનિક ખાતરની ઉપલબ્ધતા પણ સુનિヘતિ કરશે.
અત્રે નોંધનીય છે કે, સિંચાઈ સુવિધાની કમી અને રખડતા ઢોરોના ત્રાસથી દમણ જિલ્લાના ખેડૂતો રવિ પાકનું વાવેતર કરી શકતા નથી. ત્યારે અહીંના ખેડૂતો ફક્ત ખરીફ પાકનું જ ઉત્પાદન કરી શકે છે.
આ કાર્યક્રમમાં જિલ્લા પંચાયતના ઉપ પ્રમુખ શ્રી બાબુભાઈ પટેલ અને પંચાયત કૃષિ વિભાગના અધિકારી શ્રી અર્જુનભાઈ પટેલ પણ ઉપસ્થિત રહ્યા હતા.