ધારાસભ્યો, સંગઠન હોદ્દેદારો, કાર્યકરો, પરિવાર ખાસ ઉપસ્થિત રહ્યા
(વર્તમાન પ્રવાહ વાપી બ્યુરો)
વાપી, તા.15: આજરોજ વલસાડ ખાતે લોકસભાના દંડક તેમજ વલસાડ-ડાંગ સાંસદ શ્રી ધવલભાઈ પટેલનું વલસાડ ખાતે જનસંપર્ક કાર્યાલયનું સાંસદશ્રી ધવલભાઈ પટેલની વ્હાલી દિકરી શ્રીજા પટેલના શુભ હસ્તે કુંભઘોડો મુકી વિધિવત રીતે પુજા અર્ચના કરી કાર્યાલયનો શુભારંભ કરવામાં આવ્યો હતો.
લોકસભાનું સત્ર ચાલતુ હોવાથી આવનારા ટુંકા દિવસોમાં સત્ર સમાપ્તિ થયા બાદ વલસાડ-ડાંગના સંગઠન આગેવાનો, કાર્યકર્તાઓ, વલસાડ ડાંગની જાહેર જનતા સાથે મુલાકાત માટે સૌને જાણ કરવામાં આવશે.
આ પ્રસંગે વલસાડ જિલ્લા ભાજપ પ્રમુખ શ્રી હેમંતભાઈ કંસારા, જિલ્લા પંચાયત પ્રમુખ શ્રી મનહરભાઈ પટેલ, કપરાડાના ધારાસભ્ય શ્રી જીતુભાઈ ચૌધરી, વલસાડના ધારાસભ્ય શ્રી ભરતભાઈ પટેલ, ધરમપુરના ધારાસભ્ય શ્રી અરવિંદભાઈપટેલ, જિલ્લા મહામંત્રી શ્રી કમલેશભાઈ પટેલ, જિલ્લા ઉપપ્રમુખ શ્રી જીતેશભાઈ પટેલ, શ્રી અમીષભાઈ પટેલ, શ્રી ધૃવિનભાઈ પટેલ, શ્રી આશીષભાઈ દેસાઈ માહિર પંચાલ, સહિત શુભેચ્છકો તથા પરિવારના સભ્યો ઉપસ્થિત રહી શુભેચ્છાઓ પાઠવી હતી.
