(વર્તમાન પ્રવાહ ન્યુઝ નેટવર્ક)
સેલવાસ, તા.13: સંઘપ્રદેશ પ્રશાસન દ્વારા બિપરજોય વાવાઝોડા અંગેસાવચેતીના પગલાં લેવા અને પવન સાથે વરસાદ પડવાની આગાહી કરવામા આવી હતી. સંઘપ્રદેશ દાદરા નગર હવેલી અને દમણ-દીવમાં પવન સાથે મોડી સાંજે કાળા ડિબાંગ વાદળ ઘેરાયા હતા અને વરસાદ વરસ્યો હતો. પવન સાથે વરસેલા વરસાદના કારણે વાતાવરણમાં ઠંડક પ્રસરી ગઈ હતી. હવામાન વિભાગ દ્વારા હજી ત્રણ દિવસ ભારે પવન સાથે વરસાદ પડવાની આગાહી કરવામાં આવી છે.