પરિયારી ગ્રામ પંચાયત વિસ્તારની મુલાકાત લઈ રોડ અને લાઈટના પ્રશ્નોના નિરાકરણનો કરેલો પ્રયાસઃ મોદી સરકાર અને સંઘપ્રદેશ પ્રશાસનની વિવિધ લોક કલ્યાણકારી યોજનાઓની પણ ગ્રામજનોને આપેલી માહિતી
(વર્તમાન પ્રવાહ ન્યુઝ નેટવર્ક)
દમણ, તા.19 : દમણ જિલ્લા પંચાયતના અધ્યક્ષ શ્રીમતી જાગૃતિબેન કલ્પેશભાઈ પટેલે આજે પરિયારી ગ્રામ પંચાયત વિસ્તારની મુલાકાત કરી વારલીવાડ ખાતે સડક અને સ્ટ્રીટ લાઈટની સમસ્યાના સંદર્ભમાં તેને ઉકેલવાનો પ્રયાસ કર્યો હતો.
દમણ જિલ્લા પંચાયતના વર્તમાન કાર્યકાળમાં અત્યાર સુધીના ત્રણ અધ્યક્ષો પૈકી શ્રીમતી જાગૃતિબેન પટેલે લોક કલ્યાણ અનેલોકોની સમસ્યાના નિરાકરણ માટે અંગત રસ લઈ પોતાની કામ કરવાની આગવી શૈલીના પણ દર્શન કરાવ્યા છે.
આજે જિલ્લા પંચાયત પ્રમુખ શ્રીમતી જાગૃતિબેન પટેલે મોદી સરકાર અને સંઘપ્રદેશ પ્રશાસનની વિવિધ લોક કલ્યાણકારી યોજનાઓની જાણકારી પણ ગ્રામજનોને આપી હતી અને તેનો લાભ ઉઠાવવા આહ્વાન કર્યું હતું. તેમણે પ્રશાસક શ્રી પ્રફુલભાઈ પટેલના નેતૃત્વમાં દમણની થઈ રહેલી કાયાપલટથી પણ ગ્રામજનોને માહિતગાર કર્યા હતા.