વલસાડ જિલ્લાના વિવિધ પોલીસ સ્ટેશન અને વિભાગોમાં ડી.વાય.એસ.પી. આર.ડી. ફળદુ ફરજ બજાવી ચુક્યા છે
(વર્તમાન પ્રવાહ વાપી બ્યુરો)
વાપી, તા.29: વલસાડ જિલ્લા પોલીસ વિભાગમાં ડી.વાય.એસ.પી. તરીકે ફરજ બજાવતા શ્રી આર.ડી. ફળદુ તા.30 જૂનને શુક્રવારે વય મર્યાદા આધિન સેવા નિવૃત્ત થનાર છે.
ડી.વાય.એસ.પી. શ્રી આર.ડી. ફળદુ મૂળ જામનગર જિલ્લાના કાલાવાડના વતની છે. જી.પી.એસ.સી. દ્વારા સીધી ભરતીમાં તેઓ પોલીસ વિભાગમાં જોડાયા હતા. પ્રથમ પી.આઈ. તરીકે અને પછી ડી.વાય.એસ.પી. તરીકે તેમને બઢતી મળી હતી. મૃદુભાષી અને વ્યક્તિત્વ ધરાવતા ડીવાયએસપી શ્રી આર.ડી. ફળદુ એ જ્યાં જ્યાં ફરજ બજાવી ત્યાં લોકપ્રિય અને કાબેલુ અધિકારીની તેઓએ નામના મેળવી છે. તેઓનું પ્રથમ પોસ્ટીંગ રાજકોટમાં થયું હતું અને નિવૃત્ત વલસાડ જિલ્લાપોલીસ વિભાગથી થઈ રહ્યા છે. તેમને ખાસ ઈન્વેસ્ટીગેશન માટે એન.આઈ.એ. દ્વારા ઈનામ અને સર્ટી પ્રાપ્ત થયેલા છે. વાપી શહેરમાં પણ પી.આઈ. તરીકે તેઓ ફરજ બજાવી ચુક્યા છે.
