June 30, 2025
Vartman Pravah
Breaking Newsડિસ્ટ્રીકટતંત્રી લેખ

દમણ ઈન્‍ડસ્‍ટ્રીઝ એસો.ના પ્રમુખ અને હોદ્દેદારોની ચૂંટણીનું સમય પત્રક જાહેરઃ 4થી ઓગસ્‍ટે યોજાનારી ચૂંટણી

  • લોકસભાની ચૂંટણી પણ નજીકમાં હોવાથી રાજકીય સૂઝબૂઝ ધરાવતા અને પ્રશાસનના પ્રીતિપાત્ર ઉદ્યોગપતિને ડીઆઈએના પ્રમુખ તરીકે વરણી કરવા પણ બની રહેલો મત
  • 2016 સુધી ડીઆઈએની રહેલી કઠપૂતળી જેવી સ્‍થિતિઃ દાભેલનું રહેલું વર્ચસ્‍વ

(વર્તમાન પ્રવાહ ન્‍યુઝ નેટવર્ક)
દમણ, તા.28: દમણ ઈન્‍ડસ્‍ટ્રીઝ એસોસિએશનના પ્રમુખ અને અન્‍ય હોદ્દેદારોની ચૂંટણી માટેના સમય પત્રકની જાહેરાત કરવામાં આવી છે. જે પૈકી તા.4થી ઓગસ્‍ટના રોજ યોજાનારી ખાસ સામાન્‍ય સભામાં પ્રમુખ અને અન્‍ય પદાધિકારીઓ તથા કારોબારી સમિતિની ચૂંટણી કરવામાં આવશે.
ડી.આઈ.એ.એ જાહેર કરેલ ચૂંટણીના સમય પત્રક મુજબ 15મી જુલાઈ સુધી નામાંકન પત્ર દાખલ કરી શકાશે. 18મી જુલાઈએ ડી.આઈ.એ.ના નોટિસ બોર્ડ ઉપર ઉમેદવારોની યાદી જાહેર કરાશે. 25મી જુલાઈ સુધી ઉમેદવારી પત્રક પરત ખેંચી શકાશે. એક પદ ઉપર એકથી વધુ વ્‍યક્‍તિઓની ઉમેદવારી કરવાની સ્‍થિતિમાં 4 ઓગસ્‍ટે ડી.આઈ.એ.ની 44મી વાર્ષિક સામાન્‍ય સભામાં ડી.આઈ.એ. સભ્‍યો ચૂંટણીના માધ્‍યમથી પ્રમુખ સહિત પદાધિકારીઓ તથા કારોબારી સમિતિના સભ્‍યોને ચૂંટશે.
અત્રે નોંધનીય છે કે,2024નું વર્ષ લોકસભાની ચૂંટણીનું હોવાથી દમણ ઈન્‍ડસ્‍ટ્રીઝ એસોસિએશનના પ્રમુખની ભૂમિકા ખુબ જ મહત્‍વપૂર્ણ અને રાજનીતિની દૃષ્‍ટિએ નિર્ણાયક રહેતી હોય છે. તેથી ડી.આઈ.એ.નો પ્રમુખ દરેક પ્રકારના ભાર ઝીલી શકવા સક્ષમ હોવો જરૂરી છે.
2016 સુધી ડી.આઈ.એ.ની સ્‍થિતિ કઠપૂતળી જેવી હતી. મોટાભાગના દાભેલ વિસ્‍તારના રાજકારણીઓની સીધી પકડ ડી.આઈ.એ. ઉપર હતી. પરંતુ સંઘપ્રદેશના પ્રશાસક તરીકે શ્રી પ્રફુલભાઈ પટેલના આગમન બાદ ઉદ્યોગગૃહો પાસે અસરકારક રીતે કોર્પોરેટ સોશિયલ રિસ્‍પોન્‍સિબિલિટી (સી.એસ.આર.)ના શરૂ કરાવેલા અમલ બાદ સ્‍થિતિમાં ઘણો સુધારો આવ્‍યો છે. તેથી દમણ ઈન્‍ડસ્‍ટ્રીઝ એસોસિએશનના પ્રમુખ અને તેમની ટીમની પસંદગી ઉપર પણ ઘણો મદાર રહેતો હોય છે.
મળતી માહિતી પ્રમાણે દમણ ઈન્‍ડસ્‍ટ્રીઝ એસોસિએશન આ વખતે પ્રમુખ પદનું સુકાન અનુભવી અને રાજકીય રીતે સક્રિય તથા પ્રશાસનમાં પણ પોતાની સારી છાપ ધરાવતા ઉદ્યોગપતિને આપશે એવી આબોહવા દેખાઈ રહી છે.

Related posts

બુધવારે મધરાતે 12 કલાકે વાપી રેલવે ફલાય ઓવર બ્રિજ પાલિકા કર્મચારીઓએ અવર જવર માટે બંધ કરી દીધો

vartmanpravah

વાંસદા તાલુકામાં સૌથી વધુ ૧૮૪ મી.મી વરસાદ નોંધાયો : કેલિયા અને જૂજ ડેમ ઓવરફ્લો થતાં નીચાણ વાળા વિસ્તારોને એલર્ટ કરાયા

vartmanpravah

લાયન્‍સ કલબ ઓફ ભિલાડ દ્વારા શિક્ષકદિન નિમિત્તે આચાર્યો અને શિક્ષકોનું સન્‍માન કરાયું

vartmanpravah

ખોડલધામના આંગણે રૂડો અવસર: 30 સપ્‍ટેમ્‍બરે શ્રી ખોલડધામ વિદ્યાર્થી સમિતિ કન્‍વીર મીટ-2023 યોજાશે

vartmanpravah

સુદઢ વહીવટ, પારદર્શી વહીવટ, ઝડપી વહીવટ અને સુશાસનનો પર્યાય એટલે સ્વાગત કાર્યક્રમ સ્વાગત કાર્યક્રમમાં હકીકતમાં પ્રજાની સમસ્યાનું સ્વાગત, ત્વરિત પ્રશ્નોનો ઉકેલ આવતા સુશાસનના દર્શન થયા

vartmanpravah

વાપી-વલસાડમાં રોડ અકસ્‍માતમાં બે મોત : ચણોદમાં ટેમ્‍પો પલટી મારી જતા દબાઈ ગયેલ સાયકલ સવારનું મોત

vartmanpravah

Leave a Comment