દમણ-દીવના સાંસદ લાલુભાઈ પટેલ સહિત અનેક શુભેચ્છકોએ નવી વરણી બદલઆપેલા અભિનંદન અને પાઠવેલી શુભકામના
(વર્તમાન પ્રવાહ ન્યુઝ નેટવર્ક)
દમણ, તા.29 : આંતરરાષ્ટ્રીય હિન્દુ પરિષદ અને બજરંગ દળ દક્ષિણ ગુજરાત પ્રાંત અંતર્ગત ઈન્ડિયા હેલ્થ લાઈનના દમણ-દીવના અધ્યક્ષ તરીકે ડો. રાજેશ વાડેકરની નિયુક્તિની જાહેરાત વિશ્વ હિન્દુ પરિષદના સંસ્થાપક અને અધ્યક્ષ ડો. પ્રવિણભાઈ તોગડિયાની ઉપસ્થિતિમાં ઈન્ડિયા હેલ્થ લાઈનના દક્ષિણ ગુજરાત પ્રાંત અધ્યક્ષ અને પ્રભારી ડો. પૂર્વેશ ઢાકેચા દ્વારા કરવામાં આવી હતી. આ વરણીમાં રાષ્ટ્રીય હિન્દુ પરિષદ દક્ષિણ ગુજરાત પ્રાંતના અધ્યક્ષ શ્રી કિશોરભાઈ કબાટવાલા અને વલસાડ જિલ્લા ઈન્ડિયા હેલ્થ લાઈનના અધ્યક્ષ ડો. યોગેશ ઠાકરેનું પણ માર્ગદર્શન રહ્યું હતું.
ઈન્ડિયા હેલ્થ લાઈનના અધ્યક્ષ નિમાયેલા ડો. રાજેશ વાડેકરને સાંસદ શ્રી લાલુભાઈ પટેલ ઉપરાંત અનેક લોકોએ અભિનંદન અને શુભકામના પાઠવી હતી.