(વર્તમાન પ્રવાહ ન્યુઝ નેટવર્ક)
પારડી, તા.11: પારડીખડકી નેશનલ હાઈવે નંબર 48 ના સુરત જવાના ટ્રેક પર એક પાછળ એક એમ ચાર વાહનો અથડાયા હતા. આ અકસ્માતમાં એક કન્ટેનર અથડાયા બાદ રોડ નીચે ખાડામાં ઉતરી જતાં બે ક્રેન મારફતે બહાર કાઢવામાં આવ્યું હતું.
આજે મંગળવારના રોજ વાપીથી સુરત તરફ જતા ટ્રેક પર ખડકી હાઈવે પર એક ટ્રક પાછળ કન્ટેનર નંબર એચઆર-61-ડી-9512 ઘૂસી ગયું હતું. જેના પાછળ આઈસર ટેમ્પો નંબર જીજે-23-એટી-2324 જે બાદ વેગેનાર કાર નંબર જીજે-15-સીએમ-4556 ઘૂસી જતાં એક પાછળ એક ચાર વાહનો અથડાયા હતા. આ અકસ્માતમાં સદનસીબે ચારેય વાહનોમાં સવારોનો ચમત્કારિક બચાવ થયો હતો. પરંતુ આ અકસ્માતમાં એક કન્ટેનર રોડ નીચે ખાડામાં ઉતરી પડ્યું હતું. જેથી ઘટના સ્થળે પહોંચેલી હાઈવે પેટ્રોલીંગની ટીમ અને પારડી પોલીસે બે જેટલી ક્રેન મંગાવી કન્ટેનર બહાર કાઢવામાં આવ્યું હતું.