(વર્તમાન પ્રવાહ ન્યુઝ નેટવર્ક)
પારડી, તા.17: પારડી પોલીસ સ્ટેશનના અરૂણ હરિચંદ્ર, શિવરામ રમેશ, સંદીપ ગુલાબ, મહેશ ગોપાલ વિગેરેનો સ્ટાફ પારડી વિસ્તારમાં પેટ્રોલિંગ કરી રહ્યો હતો. આ દરમિયાન પારડી પોણીયા સ્કૂલ ફળીયા ખાતે રમેશભાઈની વાડીમાં આંબાના ઝાડ નીચે જુગાર રમાતો હોવાની બાતમી મળતા પોલીસે બાતમી વાળી જગા પર છાપો મારતા આંબાના ઝાડ નીચે કુંડાળું કરી જુગાર રમતા (1) રમેશ ભગુભાઈ પટેલ રહે.સ્કૂલ ફળિયા પોણીયા, (2) વિક્રમ સોમાભાઈ નાયકા રહે.ચાદણવેરી પોણીયા, (3) નવીન શંકર રહે.રેલવે ફળિયા પોણીયા, (4) મંગુ બાલુ રહે.દમણીઝાંપા ડુંગળી ફળિયા પારડી, (5) મનોજ રહે.શિશુ મંદિર સ્કૂલ પાછળ, (6) નવીન હળપતિ રહે.મોરા ફળિયા પોણીયા અને (7) માંદા નાયકા રહે.શિશુ મંદિર સ્કૂલ પાછળ પોણીયા તમામની ધરપકડ કરી અંગ જડતી અને દાવ પર મુકેલા તથામોબાઈલ મળી કુલ 6960 રૂપિયા કબજે લઈ તમામ આરોપીઓની ધરપકડ કરી જેલના સળિયા પાછળ ધકેલી દીધા હતા.