દારૂ અને કાર મળી પારડી પોલીસે 5.26 લાખનો મુદ્દામાલ કબજે, સંડોવાયેલા બે ઈસમોને જાહેર કર્યા વોન્ટેડ
(વર્તમાન પ્રવાહ ન્યુઝ નેટવર્ક)
પારડી, તા.17: પારડી પોલીસ મથકના પી.આઈ બી.જે.સરવૈયા તેમના સ્ટાફ સાથે પારડી પોલીસ હદ વિસ્તારમાં પ્રોહીબીશન અને જુગારના કેસો શોધી કાઢવા માટે પેટ્રોલીંગમાં ફરી રહ્યા હતા. ત્યારે સોમવારના મળસ્કે મળેલી બાતમી આધારે પારડી નેશનલ હાઈવે સ્થિત વિશ્રામ હોટલ આગળ વોચ ગોઠવી બાતમી વાળી વગર નંબરની નવી નકોર વેન્યુ કાર આવતા પોલીસે ટ્રાફિક જામ કરાવી અટકાવી હતી અને જેની તલાશી દરમિયાન પારડી પોલીસને કારમાંથી અલગ અલગ બ્રાન્ડની વિદેશી દારૂની બોટલ નંગ 46 જેની કિંમત રૂા.71,400/-નો મુદ્દામાલ મળી આવતા દારૂ અને રૂા.4,00,000ની કાર મળી રૂા.5,26,400 નો મુદ્દામાલ કબજે ચાલક રાજૂભાઈ દેવરાજ ઉપાધ્યાય ઉ.વ.22 રહે.સેલવાસ મસાટી સ્પિં્રગ સિટી એકવા, રખોલી રોડની ધરપકડ કરી છે અને જેની પારડી પોલીસે હાથ ધરેલી પૂછપરછમાં આ દારૂનો જથ્થો સેલવાસથી સાહિલ નામના ઈસમે ભરાવીઆપ્યો હોવાનું અને સુરત કીમ ખાતે રાજા ઉર્ફે અક્કુ એ મંગાવ્યો હોવાનું જણાવતા પોલીસે આ બંનેને વોન્ટેડ જાહેર કરી વધુ કાર્યવાહી હાથ ધરી છે.
