(વર્તમાન પ્રવાહ ન્યુઝ નેટવર્ક)
પારડી, તા.18: પારડીના કોટલાવ ધોડિયાવાળ ખાતે રહેતા પ્રવિણભાઈ શંકરભાઈ ધોડિયા પટેલ દરજી કામ કરી પોતાના પરિવારનું ગુજરાન ચલાવે છે.
ગઈકાલે ફળિયામાં જ રહેતા અવિનાશભાઈ સુમનભાઈ રાઠોડ પોતાની મોટરસાયકલ પ્રવિણભાઈના ઘરના ઓટલા પાસેથી લઈ જતા પ્રવિણભાઈની પત્ની રંજનબેને અહીંથી જવાની ના કહેતા અવિનાશભાઈ સુમનભાઈ રાઠોડ , ચિરાગભાઈ સુરેશભાઈ પટેલ, કાજલબેન અવિનાશભાઈ રાઠોડ તથા સુરેશભાઈ શંકરભાઈ ધોળીયા પટેલ એકબીજાની મદદગારીથી પ્રવિણભાઈના ઘરે આવી બોલાચાલીઅને ઝઘડો કરી સુરેશભાઈએ પ્રવિણભાઈને પાઇપ વડે માથાના પાછળના ભાગે ફટકો મારતા પ્રવિણભાઈ લોહી લુહાણ થઈ જતા તેમને સારવાર અર્થે મોહન દયાળ હોસ્પિટલ ખાતે ખસેડવામાં આવ્યા છે.
આ અંગેની હકીકત પ્રવીણભાઈએ પારડી પોલીસને જણાવતા પારડી પોલીસે 323, 325,504,506(2) 114 અને જીપીએસીટી કલમ 135 મુજબ ગુનો નોંધી આ ચારેય આરોપીને ધરપકડ કરવાના ચક્રો ગતિમાન કર્યા છે. સમગ્ર ઘટનાની તપાસ પારડી પોલીસ સ્ટેશનના પી.એસ.આઈ. એ.ડી. ડોડીયા કરી રહ્યા છે
