(વર્તમાન પ્રવાહ ન્યુઝ નેટવર્ક)
સેલવાસ, તા.18 : દાદરા નગર હવેલીના સુરંગી પંચાયતના તમામ ફળિયાના મુખ્ય રસ્તાઓ પર મોટા મોટા ખાડાઓ પડવાના કારણે વાહનચાલકોની હાલત દયનીય બની છે.હાલમાં ચોમાસાની સીઝન ચાલી રહી છે, વરસાદને કારણે ખાડાઓમાં પાણી ભરાઈ જવાને કારણે વાહન ચાલકોને ખાડાઓનો અંદાજ નહીં આવતા અકસ્માત થવાનો પણ ભય સતાવી રહ્યો છે. સુરંગી પંચાયત દ્વારા જિલ્લા પંચાયત અને લાગતા વળગતા તંત્રને વારંવારરજૂઆત કરવા છતાં પણ રસ્તાઓનુ રીપેરીંગ કામ થઈ નથી રહ્યું જેથી તાત્કાલિક ધોરણે આ રસ્તાઓનુ રીપેરીંગ કામ કરવામા આવે એવી સ્થાનિકો માંગ કરી રહ્યા છે.