એક જ મહિનામાં જિલ્લામાં સિઝનનો અડધો વરસાદ પડી ચૂક્યો :
હજુ ત્રણ મહિના બાકી છે
(વર્તમાન પ્રવાહ વાપી બ્યુરો)
વાપી, તા.19: વલસાડ જિલ્લામાં સતત મેઘરાજાની અવિરત મહેર ચાલું છે. જો કે આમ તો આ વર્ષે ચોમાસાએ પ્રારંભથી જ સિઝનનો અડધા ઉપરાંત વરસાદ પડી ચૂક્યો છે.
વલસાડ જિલ્લામાં વર્તમાન ચોમાસામાં સૌથી વધુ વરસાદ કપરાડા તાલુકામાં 55 ઈંચ વરસ્યો છે જ્યારે બીજા ક્રમે વાપી તાલુકામાં 54 ઈંચ તે પ્રમાણે વલસાડ તાલુકામાં 45.5 ઈંચ, પારડી તાલુકામાં 45.5 ઈંચ, ઉમરગામ તાલુકામાં 48 ઈંચ તેમજ ધરમપુર તાલુકામાં 50 ઈંચ વરસાદ પડી ચૂક્યો છે. જો કે વરસાદ વાવણી લાયક અને રોપણી લાયક થઈ ગયો હોવાથી ખેડૂતોએ વાવણી-રોપણી આરંભી દીધી છે. મેઘરાજાની પ્રારંભિક જોરદાર બેટીંગ જોતા આ વર્ષે ભૂતકાળના તમામ સ્કોર વટાવી જાયુ તેવું જણાઈ રહ્યું છે. આ વર્ષનો વરસાદ ટુંકા ગાળામાં એક સાથે વધુ પડતા નદીઓમાં પુર, કોઝવે ઓવરફલો અનેક વિસ્તારના રસ્તા બંધ થઈ જતા વરસાદે પારાવાર મુશ્કેલીઓની પણ ભેટ આપી છે. હજુ ચોમાસાના ત્રણ મહિના કાઢવાના છે તેથી વધુ વરસાદ પડશેતેવો વરતારો જણાઈ આવે છે.
