છેલ્લા ત્રણ વર્ષથી ઉભરાતી આ ગટર અને વરસાદી પાણી જાહેર રોડ ઉપર વહે છે
(વર્તમાન પ્રવાહ વાપી બ્યુરો)
વાપી, તા.12: વાપી નૂતન નગરવોર્ડ નં.3ના વિસ્તારમાં આવેલ આઝાદ બિલ્ડીંગ સામે ગટરનું પાણી છેલ્લા ત્રણ વર્ષથી ઉભરાઈ જાહેર રોડ ઉપર આવતું રહ્યું છે જે જાહેર સ્વાસ્થ્ય માટે જોખમી બની રહેલું હોવાથી મરામત કરાવવાની સ્થાનિક નાગરિકોની માંગ છે.
વાપી નૂતનનગરમાં હાઈવે નજીક આવેલ આઝાદ બિલ્ડીંગ પાસેથી અંડરગ્રાઉન્ડ ડ્રેનેજ કાયમના માટે ઉભરાતી રહે છે. જેને લીધે ડ્રેનેજનું ગંદુ પાણી વરસાદી પાણી સાથે મીક્ષ થઈ વહેતું રહે છે. આ સમસ્યા લાંબા સમયથી ચાલી આવી છે. તેથી ગટરનું ઉભરાતું પાણી અન્ય અંડરગ્રાઉન્ડ ડ્રેનેજમાં વાળી લેવાની માંગ નાગરિકો કરી રહ્યા છે. અહીંનો એપ્રોચ રોડ પણ તૂટી ગયો છે. ખાડે ખાડા પડી ગયા છે તેની પણ મરામત કરવાની લોકોની માંગણી ઉભા થવા પામી છે.
