(વર્તમાન પ્રવાહ ન્યુઝ નેટવર્ક)
પારડી, તા.27: પારડી પોલીસ મથકના પી.આઈ. બી.જે. સરવૈયાના સૂચના અને માર્ગદર્શન હેઠળ પારડી પોલીસની ટીમ પેટ્રોલીંગમાં હતી તે દરમિયાન પોલીસ કોન્સ્ટેબલ અરુણ યાદવને ખડકી નેશનલ હાઈવે સ્થિત આવેલા એક ભંગારના ગોડાઉનમાંથી ટેમ્પો નંબરજીજે-15-ટી-0164 માં લોખંડના જાડા સળિયાનો જથ્થો ભરી સગેવગે થઈ રહ્યો હોવાની બાતમી મળતા તેઓએ તાત્કાલિક ઘટના સ્થળે પહોંચી બાતમી નંબર વાળો ટેમ્પો ઝડપી પાડ્યો હતો. જેમાં લોખંડના જાળા 420 કિલો સળિયા જેની કિંમત રૂા.12600 મળી આવતા ચાલક પ્રદીપ સુરેન્દ્ર પ્રતાપસિંગ ઉ.વ.44 રહે.પરિયાની પૂછપરછ કરતાં આ ટેમ્પોમાં સળિયા ભંગારના ગોડાઉન માલિક રામ લોચન સીતારામ ગુપ્તા ઉ.વ. 52 રહે.ખડકી એ ભરી આપી પરિયા ગોડાઉનમાં લઈ જવા કહ્યું હોવાનું પોલીસને જણાવતા પોલીસે ચાલક અને ભંગારના ગોડાઉન માલિક પાસે આ સળિયા બાબતે બિલ અથવા કોઈ પુરાવા માગ્યા હતા જે સામે આ બંને વ્યક્તિએ ગલ્લા તલ્લા કરી ઉડાવ જવાબ આપી પુરાવા રજૂ ન કરતા આ સળિયા ચોરી અથવા છળકપટથી મેળવ્યા હોવાની શંકા આધારે ટેમ્પો અને સળિયા મળી પારડી પોલીસે 2.13 લાખનો મુદામાલ કબજે લીધો છે. અને પારડી પોલીસ વધુ કાર્યવાહી હાથ ધરી છે. જોકે આ સળિયા રેલ્વે અથવા એલ એન્ડ ટીની સાઈટ પરથી ચોરાયા હોવાની ચર્ચાઓ ચાલી રહી છે ત્યારે પારડી પોલીસ સત્ય હકીકત બહાર ઊંડાણ પૂર્વક પૂછપરછ હાથ ધરી છે.
